خاص - المحلة اليوم
نفى عفت السادات رئيس حزب مصر القومى هروبه خارج البلاد ، وذلك عن طريق الحساب الخاص به بموقع"الفيس بوك" ورد قائلا "عفت السادات هيهرب بره مصر ، عفت السادات قافل تليفونه ، عفت السادات مكتئب ، عفت السادات بيفكر فى الاستقالة من نادي الاتحاد، عفت السادات هيربي دقنه وينضم للاخوان
ده جزء بسيط من الشائعات الى خرجت امبارح بس بعد مؤشرات غير رسمية بتقدم مرشح جماعة الاخوان فى انتخابات الرئاسة
من البداية وكان لينا موقف وفضلنا نعلنه اننا بندعم الفريق شفيق ولا زلنا حتى الان بندعمه حتى اعلان النتيجة الرسمية من اللجنة العليا للانتخابات وايا كانت النتيجة هنبارك للفائز وهنعترف بشرعيته فى شكل حضاري ، بنرفض الاقصاء وبنرفض الترهيب وبنرفض لغة الصوت العالى
انا موجود فى مصر وتليفونى مفتوح وبرد على كل الناس ومعنديش اى نية ان اقدم استقالة سواء من نادي الاتحاد او من حزب مصر القومي الى بشرف برئاستهم
وباذن الله هفضل موجود فى مصر ووجودي مش مرتبط بشخص معين لان الحمد لله مفيش اى حاجة اخاف منها وفخور انى مصري وانى انا وولادي مصريين ولا نحمل جنسية اى دولة اخري وان شاء الله زي ما عشت هنا انا وكل اهلى ان شاء الله هموت هنا"
0 التعليقات:
إرسال تعليق